آزاد کشمیر اور پاکستان کے موجود ہ حالات کا تنقیدی جائزہ

جموں کشمیر پیپلز نیشنل الائنس برطانیہ کے زیر اہتمام برمنگھم میں کمیونسٹ پارٹی انڈیا کی ڈاکٹر نور ظہیر کے ساتھ جموں کشمیر کے تمام منقسم اور  جبری فوجی قبضے اور موجودہ صورتحال کے حوالے سے ایک سنجیدہ مقالمہ کا اہتمام کیا گیا جس میں انڈیا پاکستان اور جموں کشمیر کے بائیں بازو کےزعما نے شرکت کی جبکہ ممتاز ترقی پسند دانشور اور مزاحمتی تجزیہ نگار پروفیسر نزیر نازش نے تمام صورتحال پر سیرحاصل گفتگو بھی کی۔
 جے کے پی این اے کی طرف سے ندیم اسلم ایڈووکیٹ نے پی کےاین اے کے قیام اور مقاصد پر روشنی ڈالتے ھوئے خطے میں موجود مسائل اور انکے ممکنہ حل کے لیے مثبت اقدام اٹھانے پر زور دیا۔ کامریڈشاہد ہاشمی، شمس الرحمن، ڈاکٹر مسفر حسن، اظہر سلیم، جے کے این اے پی یو کے  کے آرگنائزر عرفان اشرف، ناظم بھٹی، این ایس ایف پاکستان کے وقاص بٹ نے پاکستان لیفٹ کی نمائندگی کرتے ہوے خصوصی طور پر شرکت کی۔ 

شرکا  نے اپنے خیالات کا اظہار کرتے ھوئے کہا  کہ جنوب مشرقی ایشیا بشمول جموں کشمیر کے عوام کا مستقبل ایک دوسرے کے ساتھ جڑا ہوا ہے اور خطہ میں مودی سرکار مذہبی جنونیت نے کرفیو کی آڑ میں جموں کشمیر میں انسانی کو بری طرح پامال کیا ہے اور پاکستان میں دائیں بازو کا ملا ملٹری اتحاد ترقی اور خوشحالی کو چھوڑ کر عدم برداشت اور جنگی جنون کو فروغ دہ رہے ہیں

انہوں نے مزید کہا کہ جموں کشمیر کے محکوم عوام کی جدو جہد ضرور رنگ لائے گی اور وہ بھی ایک متحد خود مختاراور خوشحال کشمیر ضرور دیکھیں گے جو کہ خطہ ۔ میں امن ترقی اور سلامتی کا ضامن ہو گا۔